Taktu reksturinn úr tölfum í excel og settu hann í kerfi sem vinnur með fyrirtækinu.
M.H.M. greinir lykilferlana, smíðar lausn sem passar starfseminni og sér um reksturinn. Þú færð skýrari yfirsýn, minni handavinna og fyrirsjáanlegann kostnað.
Óformleg vinnubrögð verða fljótt að rekstraráhættu
Lykilupplýsingar liggja í töflureikni sem aðeins einn starfsmaður skilur. Verkbeiðnir berast í skilaboðum, gögn eru tvískráð og stjórnendur þurfa að eltast við svör til að sjá stöðuna.
Þetta hægir á afgreiðslu, eykur líkur á mistökum og gerir fyrirtækið óþarflega háð einstökum starfsmönnum. Þegar álagið eykst eða lykilmaður fer í frí verður veikleikinn sýnilegur.
Rétt rekstrarkerfi safnar ferlinu á einn stað. Starfsfólkið veit hvað á að gera, stjórnendur sjá hvað er að gerast og verðmætur tími fer í reksturinn í stað þess að leita að upplýsingum.
Frá rekstrarvanda að lausn sem skilar sér
Skýr greining
Við förum yfir ferlið með fólkinu sem þekkir það best og finnum hvar tími og upplýsingar tapast. Þú færð skriflega greiningu, tækniáætlun og fast tilboð. Greining kostar frá 150.000 kr. og hluti gjaldsins dregst frá smíðinni.
Stýrð smíði
Lausnin er smíðuð í skýrum áföngum eftir samþykktri forskrift. Fast verð, skilgreindir greiðsluáfangar og regluleg yfirferð halda umfangi, kostnaði og væntingum í takt.
Ábyrgur rekstur
Við hýsum kerfið, vöktum það og sjáum um öryggisafrit, uppfærslur og öryggisviðhald. Stuðningur og breytingatímar eru innifaldir í mánaðarsamningi með 12 mánaða binditíma.
Ábyrgðin endar ekki við afhendingu. Rekstur lausnarinnar er skipulagður frá fyrsta degi svo fyrirtækið sitji ekki uppi með mikilvægt kerfi sem enginn ber ábyrgð á.
Kerfið á að létta undir með rekstrinum - ekki skapa nýjar áhyggjur
M.H.M. tekur ábyrgð á tæknilega rekstrinum eftir afhendingu. Þitt fólk getur einbeitt sér að starfseminni á meðan við sjáum um að lausnin sé vöktuð, uppfærð og afrituð.
- Örugg hýsing án fjárfestingar í eigin innviðum
- Vöktun allan sólarhringinn svo frávik uppgötvist hratt
- Dagleg öryggisafrit og reglulega prófuð endurheimt
- Uppfærslur og öryggisviðhald án aukareikninga
- Aðstoð á skrifstofutíma þegar starfsfólkið þarf á henni að halda
- Breytingatímar til að laga kerfið að þróun rekstrarins
- Eitt fyrirsjáanlegt mánaðarverð
Fyrir fyrirtæki sem eru vaxin upp úr bráðabirgðalausnunum
M.H.M. gæti hentað ef
- +Fyrirtækið er með 10 til 100 starfsmenn og reksturinn krefst samhæfingar
- +Starfsemin er í flutningum, vöruhúsarekstri, iðnaði, verktöku eða þjónustu
- +Mikilvægir ferlar byggja enn á töflureiknum, pappír eða skilaboðum
- +Þú vilt betri yfirsýn og minni ósýnilegan kostnað vegna handavinnu
- +Þú kýst skilgreint umfang og fyrirsjáanlegan kostnað
Önnur þjónusta hentar betur ef
- −Þig vantar almenna tölvuþjónustu eða aðstoð við tölvur og prentara
- −Tilbúin staðallausn leysir þarfina að fullu
- −Verkefnið snýst eingöngu um nýja vefsíðu
Lausnir byggðar fyrir raunverulegan rekstur
Öll verkefni →Bein ábyrgð frá greiningu til rekstrar
M.H.M. ehf. er rekið af hugbúnaðarsérfræðingi sem hefur lokið námi í tölvunarfræði við Háskólann í Reykjavík, með reynslu af vöktunarrekstri og þátttöku í opnum hugbúnaðarverkefnum.
Sami aðili greinir þörfina, smíðar lausnina og ber ábyrgð á rekstrinum. Það styttir boðleiðir og tryggir að þú vitir alltaf hver ber ábyrgð þegar á reynir.
Upplýsingar sem auðvelda ákvörðunina
Hvað gerist ef M.H.M. getur ekki lengur þjónustað kerfið?+
Samningar innihalda skýr útgönguákvæði. Kóðinn er skjalaður og hægt að afhenda hann öðrum þjónustuaðila. Einnig er boðið upp á kóðavörslu og gagnaútflutning svo reksturinn verði ekki læstur inni hjá M.H.M.
Á fyrirtækið gögnin og lausnina?+
Já. Fyrirtækið á sín gögn án fyrirvara og fær varanlegt afnotaleyfi að sérsmíðuðu lausninni. Gögnin er hægt að flytja út ef samstarfinu lýkur.
Hvað kostar þetta?+
Greining kostar frá 150.000 kr. á föstu verði. Að henni lokinni færðu fast tilboð í smíðina og skýrt mánaðarverð fyrir rekstur. Þú tekur því ákvörðun um framhaldið með kostnað og umfang á hreinu.
Hvað tekur þetta langan tíma?+
Greining tekur yfirleitt eina til tvær vikur. Smíðatíminn ræðst af umfangi, en fast tímalína og áfangaskipting fylgja tilboðinu áður en vinna hefst.
Getur lausnin tengst kerfunum sem við notum nú þegar?+
Það fer eftir viðmótum viðkomandi kerfa. Samþættingar eru metnar í greiningunni og teknar inn í forskrift, verð og tímaáætlun áður en smíði hefst.